ეკატერინე ტიკარაძე: „დადებითობის მაჩვენებელი 4%-ს როცა აცდება, უკვე იქნება ნიშანი, რომ უნდა დავიწყოთ საუბარი ლოკდაუნზე”

საქართველოს ჯანდაცვის მინისტრის ეკატერინე ტიკარაძის განცხადებით, დადებითობის მაჩვენებელთან ერთად აკვირდებიან ინფექციის გავრცელების კოეფიციენტს.

 

მისი თქმით, როდესაც დადებითობის მაჩვენებელი 4 პროცენტს აცდება, იქნება ნიშანი იმისა, რომ უნდა დაიწყოს საუბარი შეზღუდვების შემდეგ გამკაცრებებზე.

 

„მიდგომა კვლავ რჩება ისეთი, როგორიც აქამდე გვქონდა, დადებითობის მაჩვენებლის შემთხვევაში, როდესაც ის 4 პროცენტს აცდება, უკვე იქნება იმის ნიშანი, რომ ჩვენ უნდა დავიწყოთ საუბარი ლოკდაუნზე, დახურვებზე, შემდეგ გამკაცრებებზე. ამ ეტაპისთვის ხდება ეპიდსიტუაციაზე დაკვირვება, ჩვენი მიდგომა არის, რომ მაქსიმალურად გავამკაცროთ აღსრულება და მონიტროინგი, ჩვენი სურვილია, ეფექტური მართვის პირობებში არ მხოდეს ეკონომიკის გაჩერება, რადგან ვიცით, რა შედეგი შეიძლება გამოიღოს ამან“, – განაცხადა ეკატერინე ტიკარაძემ საქართველოს პირველი არხის გადაცემაში „დღის თემა“.

 

ამასთან, კითხვაზე - რამდენად მაღალია რისკი, დადებითობის 4-პროცენტიანი მაჩვენებელი დაფიქსირდეს და ისევ აღმოვჩნდეთ ჩაკეტვის გადაწყვეტილების წინაშე, ტიკარაძე პასუხობს, რომ „დღეს ეს რისკი ძალიან მაღალია“.

 

 

 

წყარო: პირველი არხი