დღეს საქართველოს საზოგადოებრივი ასამბლეა დაფუძნდება. გადაწყვეტილების მისაღებად, 18:00 საათზე საინიციატივო გუნდი "რედისონ ბლუ ივერიაში" იკრიბება, რომელიც სხვადასხვა სფეროსა და ჯგუფის 50-მდე წარმომადგენელს გააერთიანებს.
გავრცელებული ინფორმაციით, აღნიშნული გუნდის საქართველოში არსებული ღრმა პოლიტიკური კრიზისის საპასუხოდ შეიკრიბება და ასამბლეა 1917 წლის ეროვნული ყრილობის ისტორიულ მემკვიდრეობას გააგრძელებს.
საქართველოს საზოგადოებრივი ასამბლეა მიზნად ისახავს ხელი შეუწყოს:
● სამართლიანი და თავისუფალი არჩევნების ჩატარებას;
● მშვიდობიანი პროტესტების წინააღმდეგ ძალადობის შეწყვეტასა და საპროტესტო აქციების
დროს უსამართლოდ დაკავებულების განთავისუფლებას;
● ევროინტეგრაციის გზაზე დაუყონებლივ დაბრუნებასა და მედეგი დემოკრატიული სისტემის
განვითარების ხელშეწყობას, რაც მომავალშიც გამორიცხავს ძალაუფლების მიტაცებას;
როგორც ცნობილია, ამ მიზნების მისაღწევად საზოგადოებრივ ასამბლეას გააჩნია მოქმედი მექანიზმი - მოქალაქეებს შესაბამის სამუშაო ჯგუფებში გაერთიანებით შეეძლებათ მნიშვნელოვანი საკითხების დამუშავება, განხილვა და თავიანთი ძალისხმევით საზოგადოებრივი ზეწოლის გაძლიერება.
