დღეიდან ამოქმედდა ვებგვერდი, სადაც შესაძლებელია ვაქცინაციისთვის განკუთვნილი თავისუფალი ადგილების რაოდენობის ნახვა.
როგორც WWW.BUSINESSTIME.GE-ის საქართველოს მთავრობიდან აცნობეს, აღნიშნული ინფორმაცია მოქალაქეებისთვის ვებგვერდზე უკვე ხელმისაწვდომია.
"ვებგვერდი www.Provax.ge ვაქცინაციის შესახებ ინფორმირებულობის გაზრდის მიზნით შეიქმნა. www.Provax.ge-დან დაინტერესებულ პირებს შეუძლიათ მიიღონ პასუხები ვაქცინაციის შესახებ მათთვის საინტერესო კითხვებზე. ვებგვერდზე ასევე ხელმისაწვდომია შემეცნებითი ვიდეორგოლები, ვაქცინაციის პროცესის სტატისტიკა და საქართველოში COVID-19-ის ვაქცინის დანერგვის ეროვნული გეგმა", - ნათქვამია საქართველოს მთავრობის მიერ გავრცელებულ ინფორმაციაში.
