პარლამენტის წევრებმა კორონავირუსის საწინააღმდეგო ვაქცინა საჯაროდ გაიკეთეს. აკადემიკოს ნიკოლოზ ყიფშიძის სახელობის ცენტრალურ საუნივერსიტეტო კლინიკაში დღეს 20-მდე დეპუტატი „სინოფარმის“ ვაქცინით აიცრა.
იმუნიზაციის პროცესს თბილისის რესპუბლიკურ საავადმყოფოში ოკუპირებული ტერიტორიებიდან, დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე გაეცნო.
მინისტრმა პარლამენტის წევრებს იმუნიზაციის პროცესში ჩართულობისთვის მადლობა გადაუხადა და აღნიშნა, რომ ვაქცინაციის პროცესში საკანონმდებლო ორგანოსა და დეპუტატების ჩართულობა იმუნიზაციის პროცესს კიდევ უფრო მეტად გაააქტიურებს.
