დღეს 16:00 საათისთვის სხვადასხვა ქალაქში აქციები იგეგმება, ფართომასშტაბიანი აქცია კი, დედაქალაქში 23 მაისს გაიმართება. ამის შესახებ „ნამახვანჰესის“ საწინააღმდეგო აქციის ერთ-ერთმა ორგანიზატორმა, ვარლამ გოლეთიანმა ჟურნალისტებს განუცხადა.
„23 მაისს დავიწყებთ აუღებელ აქციებს დედაქალაქში .ნამდვილად არ გვსიამოვნებს ფართომასშტაბიანი აქციების გზა. გვერჩივნა დიალოგის ფორმატში გადაგვეწყვიტა ეს საკითხები, თუმცაღა ხელისუფლება ცდილობს, რომ ეს ვექტორი სხვაგან წავიდეს, რომ საკითხებში შინააარსობრივად არ შევიდეთ და მართლა შინაარსობრივი საუბრები არ გაიმართოს ჩვენ შორის, რისი მაგალითიც იყო ნათია თურნავას გაპარვა იმ შეხვედრიდან. ახლა დღევანდელი განცხადებაც ამის მკაფიო მაგალითია. ამიტომ, მოგვიწევს უკვე, რომ მთელმა ერმა და საზოგადოებამ გადავწყვიტოთ ჩვენი სიმრავლით და ერთობით ეს პრობლემა“, – აღნიშნა ვარლამ გოლეთიანმა.
„ნამახვანჰესის“ მშენებლობასთან დაკავშირებით დღეს მთავრობამ რამდენიმე გადაწყვეტილება მიიღო.
