ჩრდილოეთ კორეამ აღმოსავლეთის მიმართულებით, ბალისტიკური რაკეტა ისროლა. ინფორმაციას Reuters-ი, იაპონიის სანაპირო დაცვაზე დაყრდნობით ავრცელებს.
ინფორმაციას ადასტურებს კორეის გაერთიანებული შტაბიც. მათი ცნობით, ჩრდილოეთ კორეამ, აღმოსავლეთის მიმართულებით, სულ მცირე ერთი დაუდგენელი სატყორცნი გაისროლა, თუმცა სხვა დეტალები უცნობია.
ცნობისთვის, ჩრდილოეთ კორეას ბალისტიკური რაკეტების გაშვება აკრძალულია გაეროს უშიშროების საბჭოს რეზოლუციებით, რომლებმაც ქვეყანას, მისი სარაკეტო და ბირთვული იარაღის პროგრამების გამო, სანქციები დაუწესეს.
