ჩრდილოეთ კორეის საგარეო საქმეთა სამინისტრო რუსეთის მიერ უკრაინაში დაწყებულ ომში შეერთებული შტატების ჰეგემონიურ პოლიტიკას ადანაშაულებს.
„უკრაინის კრიზისის ძირითადი მიზეზი მთლიანად შეერთებული შტატებისა და დასავლეთის ჰეგემონიური პოლიტიკაა, რომლებიც სხვა ქვეყნების მიმართ თვითნებობას ეწევიან“, - განაცხადა ჩრდილოეთ კორეის საგარეო საქმეთა სამინისტროს პრესსპიკერმა.
მისი მტკიცებით, დასავლეთი „სისტემურად ძირს უთხრის ევროპის უსაფრთხოების გარემოს და კიდევ უფრო უხეშად აგრძელებს თავდასხმის იარაღის სისტემების განლაგებისა და ნატოს აღმოსავლეთისკენ გაფართოების მცდელობებს.“
