ჩინეთის არმია მაღალ სამხედრო მზადყოფნაშია და ტაივანში აშშ-ის წარმომადგენელთა პალატის სპიკერ ნენსი პელოსის ვიზიტის საპასუხოდ, ტაივანის გარშემო სამხედრო წვრთნებს დაიწყებს, – განცხადებას ამის შესახებ ჩინეთის თავდაცვის სამინისტრო ავრცელებს.
როგორც უწყებაში განმარტავენ, სამხედრო წვრთნები გულისხმობს ტაივანის ჩრდილოეთით, სამხრეთ დასავლეთით და სამხრეთ აღმოსავლეთით საჰაერო და საზღვაო წვრთნებს.
გავრცელებული ინფორმაციით, წვრთნები ხუთშაბათს დაიწყება და კვირამდე გასტანს.
