ჩამოშლილი მიწის მასის თითქმის 60% უკვე შემოწმებულია - გომელაური

მინისტრის თქმით, სამძებრო სამუშაოებში ყველა შესაბამისი სამსახური ჩართულია.

„ტექნიკა მუშაობს, მიდის სამაშველო სამუშაოები. მაქსიმალურს აკეთებენ, რაც შეიძლებოდა ამ უმოკლეს დროში გაკეთებულიყო, ასევე ავიაციაც ჩართული იყო პირველივე დღეებში. თითქმის 60% ჩამოშლილი მიწის მასა რაც არის, უკვე შემოწმებულია, დასულია პირველად დონემდე. რამდენიმე დღე დასჭირდებათ ალბათ კიდევ, რომ მთლიანი მასა გადამუშავდეს, გადავალთ მერე ალბათ უკვე ლოკალურ სამუშაოებზე. ასევე, მდინარის 50 კილომეტრ მონაკვეთს, ამბროლაურამდე ამუშავებენ, კონტროლდება და ალბათ მერე უკვე დაბლაც უნდა ჩამოვუყვეთ რიონს, შეიძლება, რიონს ქვემოთაც წამოიღო ვინმე“, – განაცხადა გომელაურმა სტიქიის ზონაში.