რუსეთის პრეზიდენტი ვლადიმერ პუტინი ბელარუსს სარაკეტო სისტემების გადაცემას დაჰპირდა, რომლებსაც ბალისტიკური და ფრთოსანი რაკეტების გამოყენება შეუძლია, მათ შორის ბირთვული ვერსიის. აღნიშნულის შესახებ, რუსეთის პრეზიდენტმა ბელარუსის ლიდერთან, ალექსანდრ ლუკაშენკოსთან პეტერბურგში გამართულ შეხვედრაზე განაცხადა.
„უახლოეს თვეებში ბელარუსს გადავცემთ „ისკანდერ-ემ“-ის სარაკეტო-ტაქტიკურ სისტემებს, რომლებიც, მოგეხსენებათ, გამოიყენება როგორც ბალისტიკური, ასევე ფრთოსანი რაკეტებისთვის, ამასთან, როგორც ჩვეულებრივი, ასევე ბირთვული ტიპის“, – განაცხადა ვლადიმერ პუტინმა.
