რუსეთის ყოფილი პრეზიდენტი და ამჟამად რუსეთის უშიშროების საბჭოს თავმჯდომარის მოადგილე, დიმიტრი მედვედევი ევროპელი ლიდერების კიევში ვიზიტს სოციალურ ქსელში ეხმაურება.
მედვედევის განცხადებით, ისინი უკრაინას ევროკავშირის წევრობასა და ძველ ჰაუბიცებს დაჰპირდებიან, უკრაინული ალკოჰოლური სასმლით, „გორილკით“, „გაილეშებიან“ და შინ მატარებლით დაბრუნდებიან ისე, როგორც 100 წლის წინ.
„ბაყაყების, ლივერის ძეხვებისა და სპაგეტის ევროპელ თაყვანისმცემლებს უყვართ კიევში სტუმრობა,ყველაფერი კარგი, მაგრამ ეს უკრაინას მშვიდობასთან ახლოს ვერ მიიყვანს. საათი წიკწიკებს”- წერს მედვედევი „ტვიტერში“.
