აშშ-ში ზოგიერთი პოლიტიკოსი ღიად ეთამაშება ცეცხლს ტაივანის საკითხზე და 1.4 მილიარდი ჩინელის მტერი ხდება, რაც კარგად არასდროს დასრულდება, – ამის შესახებ ჩინეთის საგარეო საქმეთა მინისტრმა, ვან იმ განაცხადა.
ჩინეთის საგარეო უწყების ხელმძღვანელის თქმით, ტაივანის საკითხში ამერიკული მხარის ღალატი სავალალოა და მხოლოდ აშშ-ის ეროვნული სანდოობის გაკოტრება შეუძლია.
ჩინეთის საგარეო საქმეთა მინისტრის თქმით, აშშ-ის მჩაგვრელი სახის გამოაშკარავებამ შეიძლება, მხოლოდ უფრო ნათლად აჩვენოს ყველა ქვეყნის მოსახლეობას, რომ აშშ არის დღევანდელი მშვიდობის ყველაზე დიდი გამანადგურებელი.
„ერთი ჩინეთის პრინციპი არის საერთაშორისო საზოგადოების უნივერსალური კონსენსუსი, ჩინეთის სხვა ქვეყნებთან ურთიერთობის პოლიტიკური საფუძველი, ჩინეთის ძირითადი ინტერესების ბირთვი და გადაულახავი წითელი ხაზი და ქვედა ხაზი. აშშ-ში ზოგიერთი ადამიანი ეჭვქვეშ აყენებს ჩინეთის სუვერენიტეტს ტაივანის საკითხზე, არღვევს ერთი ჩინეთის პოლიტიკას და შეგნებულად იწვევს პრობლემებს ტაივანის სრუტეში. ჩინელი ხალხი ამას არასოდეს მიიღებს და საერთაშორისო საზოგადოება დასცინის ასეთ არაპროვოცირებულ პროვოკაციებს“, – განაცხადა ვან იმ.
