იმ ქვეყნების ჩამონათვალში, რომლებსაც ამერიკის შეერთებული შტატები ვაქცინებს საჩუქრად გადასცემს, საქართველოცაა. თეთრი სახლი ვაქცინების გაზიარების სტრატეგიას აქვეყნებს.
განცხადებაში ნათქვამია, რომ "კოვიდ-19"-ის საწინააღმდეგო იმუნიზაციისთვის განკუთვნილ 25 მილიონ დოზას ივნისის ბოლოს გაანაწილებს.
მათგან 6 მილიონი დოზა რეგიონულ პრიორიტეტებსა და პარტნიორ მიმღებ ქვეყნებზეა გათვლილი, მათ შორისაა საქართველო, კანადა, უკრაინა და სხვა სახელმწიფოები.
რომელი მწარმოებლის ვაქცინას მიიღებს საქართველო და რა რაოდენობით, ჯერჯერობით, უცნობია.
