საქართველოში აშშ-ის საელჩო დღეს გამართულ მიღებაზე „ქართული ოცნების“ წევრებსა და ტელეკომპანია „პირველის“ დამფუძნებელს, ვატო წერეთელს შორის მომხდარ დაპირისპირებასთან დაკავშირებით განცხადებას ავრცელებს.
მათი ცნობით, საელჩოს ტერიტორიაზე დაპირისპირების შესახებ მათთვის ცნობილია და ინფორმაციას სწავლობენ.
„აშშ-ის საელჩოსთვის ცნობილია ინფორმაცია ჩვენი დამოუკიდებლობის დღისადმი მიძღვნილი ღონისძიებისას საელჩოს ტერიტორიაზე დაპირისპირების შესახებ. ჩვენ ვსწავლობთ ამ ინფორმაციას“, - ნათქვამია საელჩოს განცხადებაში.
ცნობისთვის, „ტვ. პირველის“ დამფუძნებელმა ვატო წერეთელმა განაცხადა, რომ აშშ-ის საელჩოს ტერიტორიაზე, „ქართული ოცნების“ დეპუტატები მას თავს დაესხნენ და ფიზიკურად გაუსწორდნენ.
