არსებული რეანიმობილების რაოდენობა, დაფარვის ზონა და რეაგირების დრო საერთაშორისო სტანდარტების შესაბამისია - მინისტრი

მისი თქმით, დღეს ქვეყნის მასშტაბით 300-ზე მეტი სასწრაფო და 22 რეფერალური დახმარების ბრიგადა (რეანიმობილი) მუშაობს. აზარაშვილის განცხადებით, ქვეყნის მასშტაბით არსებული რეანიმობილების რაოდენობა, დაფარვის ზონა და, შესაბამისად, რეაგირების დრო საერთაშორისო სტანდარტების შესაბამისია.

ჯანდაცვის მინისტრობის კანდიდატმა აღნიშნა, რომ გადაუდებელი სამედიცინო დახმარების სერვისის გაუმჯობესების, გადაუდებელ შემთხვევებზე ეფექტური რეაგირებისა და მომსახურებით მთელი ქვეყნის მოცვის მიზნით ავტოპარკის განახლება მუდმივ რეჟიმში გრძელდება.

მისივე თქმით, დასრულდა 25 რაიონული სამსახურის შენობის რეაბილიტაცია/მშენებლობა.

„2023 წლის პირველი იანვრიდან გადაუდებელი დახმარების ყველა თანამშრომელს, როგორც ყველა საჯარო მოხელეს, სახელფასო ანაზღაურება 10%-ით გაეზარდათ. თუმცა 2023 წლის ოქტომბრიდან დამატებით კიდევ 10%-ით გავუზარდეთ ხელფასი სასწრაფო სამედიცინო დახმარების ბრიგადის წევრებსა და ცენტრალური სადისპეტჩეროს თანამშრომლებს. შესაბამისად, მიმდინარე წლის იანვრიდანაც კიდევ დამატებით 10%-ით ზრდა შეეხო 4000-მდე თანამშრომელს“, – განახადა ზურაბ აზარაშვილმა.