საქართველოს ეროვნული ბანკის ყოფილი პრეზიდენტი გიორგი ქადაგიძე სოციალურ ქსელში წერს, რომ არჩევნებში არასდროს ასეთი მარტივი არ ყოფილა არჩევანი.
"ერთ მხარეს არის, დაბალი პოლიტიკური ლეგიტიმაციის, იდეებისგან დაცლილი, საერთაშორისო პარტნიორებისგან დისტანცირებული, სკანდალებში გახვეული, მხოლოდ ერთ კაცთან ანგარიშვალდებული, დაღლილი ერთპარტიული (ოლიგარქიული) მმართველობა.
მეორე მხარეს არის, ჭრელი, მრავალფეროვანი, შიდა კონკურენტული, ახალი იდეებით და ვალდებულებებით დატვირთული, მრავალპარტიული კოალიციური მმართველობა, ანგარიშვალდებული მხოლოდ ამომრჩეველთან. პირველს არ მოუტანია შედეგი არსად მსოფლიოში, მეორე ტიპის მმართველობა არის თითქმის ყველა განვითარებულ ევროპულ ქვეყანაში. არასდროს ასეთი მარტივი არ ყოფილა არჩევანი", - წერს გიორგი ქადაგიძე.
