ამ ეტაპისთვის თბილისში ჩინეთში წარმოებული „სინოფარმის“ ვაქცინით ასაცრელად ადგილები სრულად შეივსო.
“ამ ეტაპისთვის რაც იყო პროგრამულად მოწოდებული [თბილისში] ყველა შეივსო და თუ იქნება დამატებული, მოგეწოდებათ ინფორმაცია”, – აცხადებენ ცხელ ხაზზე.
რაც შეეხება რეგიონებს, ამ დროისთვის “სინოფარმის” ვაქცინით ასაცრელად თავისუფალი ადგილები არის.
იმუნიზაციის საბჭოს გადაწყვეტილებით, საქართველოში ჩინეთში წარმოებული „სინოფარმის“ ვაქცინით ასაცრელად რეგისტრაცია დღეიდან, 27 აპრილიდან დაიწყო 18 წელს გადაცილებული მოქალაქეებისთვის.
