ჯანმოსა და შრომის საერთაშორისო ორგანიზაციის მიერ ჩატარებული ერთობლივი კვლევის მიხედვით, იმ პირებში, რომლებიც კვირაში 55 საათზე მეტს მუშაობენ, ინსულტის რისკი 35%-ით არის მომატებული, ხოლო გულის იშემიური დაავადებების შედეგად გარდაცვალების საფრთხე 17%-ით მეტია.
ახლახან გამოქვეყნებულ კვლევაში აღნიშნულია, რომ მხოლოდ 2016 წელს ხანგრძლივი სამუშაო გრაფიკით მუშაობის გამო, მსოფლიოში ინსულტითა და გულის სხვა დაავადებებით 745 000 ადამიანი გარდაიცვალა.
