2025 წლის იანვარ-ივნისის პერიოდში, საქართველოში ხე-ტყის უკანონო ჭრის 430 ფაქტი გამოვლინდა. ამის შესახებ გარემოს დაცვისა და სოფლის მეურნეობის სამინისტროს ინფორმაციიდან ვიგებთ.
„2025 წლის 6 თვეში, გარემოსდაცვითი ზედამხედველობის დეპარტამენტის თანამშრომლებმა ხე-ტყის უკანონო ჭრის 430 ფაქტი გამოავლინეს“, - აღნიშნულია სამინისტროს განცხადებაში.
ინფორმაციისთვის გეტყვით, რომ ფაქტის აღმოჩენის შემთხვევაში, ნებისმიერ მოქალაქეს შეუძლია, ნომერზე - 153 დარეკოს და გარემოსდაცვითი ზედამხედველობის დეპარტამენტის ეკიპაჟი გამოიძახოს.
