2025 წლის 5 თვეში, გამონაბოლქვის დადგენილ ნორმებთან შეუსაბამობის 1 940 სამართალდარღვევა გამოვლინდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
„გარემოსდაცვითი ზედამხედველობის დეპარტამენტის თანამშრომლები საქართველოს 4 მსხვილ ქალაქში მოძრავი ავტოსატრანსპორტო საშუალებების ხილული გამონაბოლქვის კონტროლს ახორციელებენ. შედეგად, 2025 წლის 5 თვეში გამონაბოლქვის დადგენილ ნორმებთან შეუსაბამობის 1940 სამართალდარღვევა გამოავლინდა.
პარალელურად, დეპარტამენტი ავტოგასამართ სადგურებზე საწვავის ხარისხსაც რეგულარულად აკონტროლებს, რათა მინიმუმამდე შემცირდეს ატმოსფერულ ჰაერში მავნე ნივთიერებათა გაფრქვევა“, - აღნიშნულია სამინისტროს განცხადებაში.
