ევროკავშირმა უკრაინისთვის 1,2 მილიარდი ევროს ოდენობის მაკროფინანსური დახმარების მემორანდუმს ხელი მოაწერა. ამის შესახებ ინფორმაციას უკრაინის პრემიერ-მინისტრი დენის შმიგალი ავრცელებს.
„ევროკავშირმა ახლახანს გააფორმა მემორანდუმი უკრაინასთან 1,2 მილიარდი ევროს ოდენობის მაკროფინანსური დახმარების გადაცემის შესახებ. გულწრფელ მადლობას ვუხდით უკრაინის ნამდვილ მეგობარს ვალდის დომბროვსკისს,“- განაცხადა შმიგალმა.
მისი თქმით, ეს ევროკავშირის მნიშვნელოვანი დახმარების კიდევ ერთი ჟესტია, რომელიც ქვეყანას რუსი ოკუპანტების განსადევნად ეკონომიკური პოტენციალის გასამყარებაში დაეხმარება.
