რუსულმა სამხედრო თვითმფრინავმა ჭურვი შემთხვევით რუსეთის ქალაქ ბელგოროდში ჩამოაგდო. ამის შესახებ ინფორმაციას რუსული მედია რუსეთის თავდაცვის სამინისტროზე დაყრდნობით ავრცელებს.
გავრცელებული ცნობებით, დაშავებულია ორი ადამიანი, დაზიანებულია საცხოვრებელი სახლი და რამდენიმე ავტომობილი.
ბელგოროდში აფეთქება გუშინ, საღამოს მოხდა. ადგილზე იმყოფებოდა ქალაქის მერი.
მოგვიანებით, თავდაცვის სამინისტროში განაცხადეს, რომ ჭურვი „სუ-34“-ის ტიპის რუსული სამხედრო თვითმფრინავიდან ჩამოვარდა.
