ნეაპოლში აივნის ჩამონგრევის შედეგად, 2 ადამიანი დაიღუპა და 13 დაშავდა, - ამის შესახებ ინფორმაციას იტალიური საინფორმაციო სააგენტო ANSA ავრცელებს.
შემთხვევა გუშინ საღამოს, ნეაპოლის სკამპიას რაიონში მოხდა. აივანი მესამე სართულზე ჩამოინგრა, რამაც მეორე და პირველი სართულებიც დააზიანა.
დაშავებულებს შორის 2-დან 8 წლამდე ასაკის 7 ბავშვია.
ადგილობრივმა პოლიციამ მომხდარზე გამოძიება დაიწყო.
