ლიბიაში ქარიშხლისა და წყალდიდობის შედეგად დაღუპულთა რიცხვმა 5 000-ს გადააჭარბა. ამ დრომდე დაკარგულად ითვლება 10 000 ადამიანი. ინფორმაციას „სიენენი“ ლიბიის სახელმწიფო მედიაზე დაყრდნობით ავრცელებს.
უფრო კონკრეტუკალად, ლიბიის შინაგან საქმეთა სამინისტროს ცნობით, შემთხვევის შედეგად სულ მცირე 5 300 ადამიანი დაიღუპა.
ჩრდილო-აღმოსავლეთ ლიბიაში ძლიერმა წვიმებმა ორი კაშხლის ჩამონგრევა გამოიწვია, ამის შედეგად კი წყალი უკვე დატბორილ რაიონებში შევიდა.
ადგილობრივი ხელისუფლების ცნობით, ყველაზე დიდი ზარალი ქალაქ დერნას მიადგა, სადაც 6 000-მდე ადამიანი დაკარგულად ითვლება.
