„დიდი შვიდეულის“ ლიდერებმა ღაზაში ცეცხლის შეწყვეტის გეგმას მხარი დაუჭირეს.
განცხადებაში აღნიშნულია, რომ ამერიკის პრეზიდენტის, ჯო ბაიდენის მიერ წარმოდგენილი გეგმა გამოიწვევს მძევლების გათავისუფლებას, პალესტინელებისთვის ჰუმანიტარული დახმარების გაზრდას. ასევე, ისრაელის უსაფრთხოების ინტერესებისა და ღაზას მოსახლეობის ინტერესების გათვალისწინებით, კრიზისის სამუდამოდ დასრულებას.
„ჩვენ მოვუწოდებთ „ჰამასს“, რომ დათანხმდეს ამ შეთავაზებას, რომლის განსახორციელებლადაც ისრაელი მზად არის. ჩვენ ასევე მოვუწოდებთ ქვეყნებს, რომლებსაც გავლენა აქვთ „ჰამასზე“, დაეხმარონ მათ ამის განხორციელებაში“, – ნათქვამია განცხადებაში.
