„დიდი შვიდეულის“ ქვეყნებმა უკრაინის ფინანსური მხარდაჭერა 39 მილიარდ დოლარამდე გაზარდეს. ასევე, ჯგუფი საერთაშორისო სავალუტო ფონდს მოუწოდებს, მარტის მიწურულამდე დააჩქარონ მუშაობა უკრაინის მხარდაჭერის პროგრამაზე.
როგორც სააგენტო „როიტერი“ წერს, უკრაინა საერთაშორისო სავალუტო ფონდთან 15 მილიარდი დოლარის ღირებულების პროგრამის გაფორმებას იმედოვნებს, რომლითაც გადაუდებელი ფინანსური დახმარება და სტრუქტურული რეფორმების მხარდაჭერა განხორციელდება.
როგორც „დიდი შვიდეულის“ თავმჯდომარე ქვეყნის, იაპონიის ფინანსთა მინისტრი აცხადებს, შემდგომი ნაბიჯების გადადგმამდე, „დიდი შვიდეულის“ ჯგუფმა რუსეთის წინააღმდეგ არსებული სანქციების ეფექტურობა უნდა შეაფასოს.
