ავსტრალიის სიდიდით მეორე კომპანიის, Atlassian-ის აღმასრულებელმა დირექტორმა, რომელიც რამდენიმე მილიარდს ფლობს, ერთდროულად 150 თანამშრომელი გაათავისუფლა და მათ ჩანაცვლებას ხელოვნური ინტელექტით გეგმავს.
თუმცა, აღნიშნული გადაწყვეტილება და აღსრულების ფორმა საკმაოდ სკანდალური აღმოჩნდა. როგორც მედია წერს, მაიკ კენონ-ბრუკსმა გათავისუფლებულ თანამშრომლებს ვიდეომიმართვა გაუგზავნა და უსიამოვნო სიახლე სწორედ ამ გზით აცნობა.
ვიდეომიმართვაში კენონ-ბრუკსი განმარტავდა, რომ პროგრამული უზრუნველყოფის კომპანიაში თანამშრომლების სამუშაო ადგილების უმეტესობას მალე ხელოვნური ინტელექტი (AI) დაიკავებდა.
გაღიზიანება კი იმ ფაქტმა გამოიწვია, რომ კენონ-ბრუკსმა არ დაასახელა გათავისუფლებული თანამშრომლების ვინაობა, რის შემდეგაც ადრესატები იძულებულნი გახდნენ, 15 წუთი დალოდებოდნენ, გადაწყვეტილების შესახებ ცნობას ელფოსტით.
როგორც ცნობილია, დაზარალებული თანამშრომლები ანაზღაურებას მომდევნო ექვსი თვის განმავლობაში მიიღებენ.
კერძოდ ცნობილი ხდება, რომ Atlassian-ი გეგმავს გაათავისუფლოს უშუალოდ ქოლ-ცენტრში მომუშავე 45 თანამშრომელი და მათ AI ჩატბოტით ჩაანაცვლებს.
გადაწყვეტილების პარალელურად, Atlassian-ის მეორე თანადამფუძნებელმა სკოტ ფარკუარმა, ავსტრალიის ეროვნულ პრესკლუბში გამოსვლისას საჯაროდ ისაუბრა ხელოვნური ინტელექტის სარგებელზე.
„პირველ რიგში, ადამიანების უმეტესობა არ ფიქრობს იმაზე, თუ საიდან მოდის მათი წყალი ან ენერგია. ხალხი არ ფიქრობს იმაზე, თუ საიდან მოდის ხელოვნური ინტელექტი, რომელსაც ისინი ყოველდღიურად იყენებენ ტელეფონებზე. რეგიონში მონაცემთა ცენტრების უზარმაზარი ბუმია და ასევე ბუმია ხელოვნური ინტელექტის გამოყენებაში ყოველდღიურ ცხოვრებაში.
ყველამ ყოველდღიურად უნდა გამოიყენოს ხელოვნური ინტელექტი რაც შეიძლება მეტად. როგორც ნებისმიერი ახალი ტექნოლოგიის შემთხვევაში, თავიდან ეს უხერხული იქნება, მაგრამ ყველა ბიზნეს ლიდერმა, ყველა მთავრობის ლიდერმა და ყველა ბიუროკრატმა უნდა გამოიყენოს იგი,“ - თქვა ფარკუჰარმა.
Financial Review Rich List-ის უახლესი მონაცემებით ტექნოლოგიური მაგნატი, მაიკ კენონ-ბრუკსი დაახლოებით 24.38 მილიარდ დოლარს ფლობს.
Atlassian Corporation არის ავსტრალიურ-ამერიკული პროგრამული უზრუნველყოფის კომპანია, რომელიც შემუშავებულია პროგრამული უზრუნველყოფის შემუშავებისა და პროექტების მართვისთვის. 2025 წლის 29 ივლისის მდგომარეობით მისი წმინდა ღირებულება 52.52 მილიარდ აშშ დოლარს შეადგენს. კომპანიის საბაზრო კაპიტალიზაცია ბოლო ერთ წელიწადში 13.58%-ით გაიზარდა.
