აშშ-მა და დიდმა ბრიტანეთმა სავაჭრო შეთანხმება გააფორმეს. აშშ-ის პრეზიდენტ დონალდ ტრამპის თქმით, ეს არის სავაჭრო შეთანხმება, რომელიც ორივე ქვეყანას ბევრ სამუშაო ადგილსა და შემოსავალს მოუტანს.
„დიდი ბრიტანეთი ძალიან კარგად არის დაცული. იცით, რატომ? იმიტომ, რომ მე მომწონს ისინი“, – განაცხადა ტრამპმა.
ტრამპის თქმით, კირ სტარმერმა შესანიშნავი სამუშაო გასწია სავაჭრო შეთანხმების მიღწევით, რომლის მიღწევასაც მისი წინამორბედები ექვსი წლის განმავლობაში ცდილობდნენ.
დიდი ბრიტანეთის პრემიერ-მინისტრმა, კირ სტარმერმა აღნიშნა, რომ ეს არის ძალიან მნიშვნელოვანი შეთანხმება აშშ-სთან, რომელიც მოიცავს ავტომობილების ტარიფებს.
