აიოვაში მოპოვებული მოულოდნელი გამარჯვებით “დემოკრატებმა” სენატზე კონტროლი გაიმყარეს, - ინფორმაციას Reuters-ი ავრცელებს.
აღსანიშნავია, რომ “დემოკრატებმა” გამარჯვება მოიპოვეს “რესპუბლიკელთა” რამდენიმე დასაყრდენ შტატში, მათ შორის ტეხასში, სამხრეთ კაროლინაში, კანზასსა და ოჰაიოში. შედეგად, მათ სენატში ექვსი ადგილი დაიმატეს.
ამჟამინდელი პროგნოზით, “დემოკრატები” კონგრესის ორივე პალატას გააკონტროლებენ.
ხმების დათვლა ჯერ კიდევ გრძელდება, თუმცა წინასწარი შედეგებით, დემოკრატებს უკვე აქვთ წარმომადგენელთა პალატასა და სენატში უმრავლესობის ფორმირებისთვის საჭირო ადგილები - 218 წარმომადგენელთა პალატაში და 51 სენატში.
წარმომადგენელთა პალატაში დემოკრატების ამჟამინდელი უმცირესობის ლიდერმა ჰაკიმ ჯეფრისმა არჩევნების შედეგებს უწოდა „გამარჯვება ამერიკისთვის". ჯეფრისი ახალი მოწვევის პალატის სპიკერობის რეალური კანდიდატია.
