პრემიერ-მინისტრმა ირაკლი ღარიბაშვილმა განაცხადა, რომ ქალაქების მერებს ხელფასები გაუორმაგდებათ, რადგან წარმოუდგენელია, რომ მერის ხელფასი თვეში 2,000 ლარს შეადგენდეს.
მისივე თქმით, გადაიხედება მთლიანად საჯარო სამსახურის ანაზღაურების მოცულობაც.
"გავზრდით ჩვენ მერების ხელფასებს, პრაქტიკულად გაორმაგება გვაქვს გადაწყვეტილი. წარმოუდგენელია მართლაც მერმა იმუშავოს 2000 ლარად და ემსახუროს მაგალითად ქუთაისს ან ბათუმს, რაც არის უზარმაზარი ქალაქი.
2022 წლის იანვრიდან დავიწყებთ საჯარო მოსამსახურეების ხელფასების ზრდას. ეს არის აუცილებელი, რადგანაც სახელმწიფო სამსახურში დასაქმებულები ვეღარ ხედავენ მოტივაციას, ვერ ვუძლებთ კონკურენციას კერძო სექტორთან, ამიტომ აუცილებელია ამ საკითხის გადაწყვეტა,"- განაცხადა ღარიბაშვილმა.
