ეკონომიკისა და მდგრადი განვითარების მინისტრის, ლევან დავითაშვილის თქმით, გარემოსა და სოფლის მეურნეობის სამინისტროს და საქართველოს სახელმწიფო ელექტროსისტემას შავი ზღვის წყალქვეშა კაბელის პროექტის განხორციელების ხელშეწყობისთვის კონკრეტული ნაბიჯების გადადგმა დაევალათ.
"შავი ზღვის კაბელთან დაკავშირებით, დღეს წარმოდგენილი იყო კონკრეტული განკარგულება, რომლის მიხედვითაც რამდენიმე უწყებას მიეცა დავალება, რომ პროექტის განხორციელებას შეუწყოს ხელი. მათ შორის, გარემოს დაცვისა და სოფლის მეურნეობის სამინისტროს მიეცა დავალება, დაცული ტერიტორიების მართვის გეგმაში მოხდეს გარკვეული ცვლილება, რომელიც საშუალებას მოგვცემს, რომ გეოფიზიკური და გეოტექნიკური, ეკოლოგიური კვლევები შეუფერხებლად ჩატარდეს. ასევე, სახელმწიფო ელექტროსისტემას დაევალა, ამ კვლევების შესაბამისი ტენდერი გონივრულ ვადებში გამოაცხადოს. ასევე, სხვა უწყებებს მიეცათ დავალება, რომ ხელი შეუწყონ პროექტის განხორციელებას", - განაცხადა მინისტრმა.
მასალა, განკარგულების ატვირთვისთანავე განახლდება.
