საფრანგეთის მთავრობა ინფლაციასთან საბრძოლველად შინამეურნეობების მსყიდველუნარიანობის გაზრდას ცდილობს. ამის შესახებ ინფორმაციას Reuters ავრცელებს.
გამოცემის ცნობით, პარლამენტმა მიიღო კანონპროექტი პენსიების ზრდისა და ქირის საფასურის ზრდის დროებით გაყინვის შესახებ.
კანონპროექტი მოიცავს საჯარო სექტორში ხელფასების ზრდას, ასევე მექანიზმს, რომელიც საშუალებას მისცემს კომპანიებს, გასცენ უფრო მაღალი გადასახადებისგან თავისუფალი ბონუსები თანამშრომლებისთვის. ბიუჯეტის სავარაუდო ღირებულება დაახლოებით 20 მილიარდი ევროა.
პოლიტიკოსები Nupes-ის მემარცხენე ალიანსიდან, უდიდესი ოპოზიციური ბლოკიდან, აკრიტიკებდნენ მთავრობას, მათი შეფასებით, არასაკმარისი ზომების გამო.
შემდგომში კანონპროექტი უნდა განიხილოს სენატმა, სადაც კონსერვატორი რესპუბლიკელები დომინირებენ.
უკრაინაში ომის გამო მზარდ ინფლაციასთან ბრძოლაში მოსახლეობის დახმარება მაკრონის ერთ-ერთი მთავარი დაპირება იყო. გასულ თვეში საფრანგეთში წლიურმა ინფლაციამ 6,5% შეადგინა.
