თურქეთსა და რუსეთს შორის სავაჭრო ურთიერთობები შესაძლოა, დოლარის, ევროს, იუანის, ოქროსა და რუბლის საშუალებითაც განხორციელდეს. ეს საკითხი რუსეთისა და თურქეთის ლიდერებმა სატელეფონო საუბრის დროს განიხილეს. ამის შესახებ ინფორმაციას თურქული მედია ავრცელებს.
გავრცელებული ინფორმაციით, ერდოღანმა პუტინს აზოვის ზღვაში მარცვლეულითა და მზესუმზირის ზეთით დატვირთული 30 ხომალდის შესახებ შეახსენა, რაზეც პუტინმა აღნიშნა, რომ განკარგულებას გასცემს და გემებს გაუშვებს.
მედიაში დაზუსტებული არ არის, აღნიშნული ტვირთი არის თუ არა თურქეთისთვის განკუთვნილი.
მედიის ინფორმაციით, ლიდერებს შორის დიალოგი კვირას შედგა და საათზე მეტხანს გაგრძელდა.
