დღეს, მთავრობის ადმინისტრაციაში მინისტრთა კაბინეტის სხდომა 14:00 საათზე გაიმართება. მთავრობა დღის წესრიგით გათვალისწინებულ 10 საკითხს განიხილავს:
1. საქართველოს კანონების პროექტები „საგადასახადო დავალიანებებისა და სახელმწიფო სესხების რესტრუქტურიზაციის შესახებ“ საქართველოს კანონში ცვლილების შეტანის თაობაზე“ და „საქართველოს საგადასახადო კოდექსში ცვლილების შეტანის შესახებ“
მომხსენებელი: ფინანსთა მინისტრი ლაშა ხუციშვილი;
2. საქართველოს კანონის პროექტი „ჯანმრთელობის დაცვის შესახებ“ საქართველოს კანონში ცვლილების შეტანის თაობაზე“ და მისგან გამომდინარე კანონპროექტები.
მომხსენებელი: ჯანდაცვის მინისტრი ზურაბ აზარაშვილი; '
3. საქართველოს კანონის პროექტი „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ საქართველოს კანონში ცვლილების შეტანის თაობაზე“
მომხსენებელი: ჯანდაცვის მინისტრი ზურაბ აზარაშვილი;
4. საქართველოს მთავრობის განკარგულების პროექტი „სახელმწიფო საკუთრებაში არსებული უძრავი ქონების პირდაპირი მიყიდვის ფორმით პრივატიზების შესახებ”
მომხსენებელი: ეკონომიკის სამინისტრო, ლევან დავითაშვილი;
5. საქართველოს მთავრობის განკარგულებების პროექტები „სახელმწიფო საკუთრებაში არსებული უძრავი ქონების სააქციო საზოგადოება „ენერგო-პრო ჯორჯიასათვის“ პირდაპირი მიყიდვის ფორმით პრივატიზების შესახებ” (2 პროექტი)
მომხსენებელი: ეკონომიკის სამინისტრო, ლევან დავითაშვილი;
6. საქართველოს მთავრობის განკარგულების პროექტი „სახელმწიფო საკუთრებაში არსებული ქონების უცხოური საწარმოს ფილიალი „ჩინეთის გზებისა და ხიდების კორპორაციის საქართველოს ფილიალისათვის“ იჯარის უფლებით გადაცემის თაობაზე თანხმობის მიცემის შესახებ“
მომხსენებელი: ეკონომიკის სამინისტრო ლევან დავითაშვილი;
7. საქართველოს მთავრობის განკარგულების პროექტი „საქართველოს მთავრობასა და შპს „ენ-სი ჯგუფი 2022’’-ს შორის „სკრა ჰესის’’ ელექტროსადგურის შესახებ დასადები ხელშეკრულების თაობაზე“
მომხსენებელი: ეკონომიკის სამინისტრო ლევან დავითაშვილი;
8. საქართველოს მთავრობის განკარგულების პროექტი „საქართველოს მთავრობასა და შპს „არაკალს’’ შორის „არაკალი ჰესის’’ შესახებ 2021 წლის 18 მარტს დადებულ ხელშეკრულებაში ცვლილების შეტანის თაობაზე“
მომხსენებელი: ეკონომიკის სამინისტრო ლევან დავითაშვილი;
9. საქართველოს მთავრობის განკარგულების პროექტი „საერთაშორისო საფინანსო კორპორაციის (IFC) მიერ სს „იშბანკ საქართველოსთვის“ სესხის გაცემის შესახებ”
მომხსენებელი: ფინანსთა მინისტრი ლაშა ხუციშვილი;
10. საქართველოს მთავრობის განკარგულების პროექტი „შეღავათიანი აგროკრედიტის პროექტისა და გადამმუშავებელი და შემნახველი საწარმოების თანადაფინანსების პროექტის დამტკიცების შესახებ“ საქართველოს მთავრობის 2014 წლის 27 იანვრის №139 განკარგულებაში ცვლილების შეტანის თაობაზე”
მომხსენებელი: სოფლის მეურნეობის მინისტრი ოთარ შამუგია.
