არაბთა გაერთიანებული საამიროების უძრავი ქონების კომპანია Eagle Hills-მა საქართველოში, ორ პროექტში 5,5 მილიარდ ევროზე მეტი ($5,7 მლრდ) ინვესტიციის ჩადების გეგმის შესახებ განაცხადა. ამის შესახებ არაბული ბიზნეს სიახლეების პლატფორმა Arabian Gulf Business Insight (AGBI) წერს.
გამოცემის თანახმად, ერთ-ერთი პროექტი თბილისში კრწანისის პარკი იქნება, რომელიც 590 ჰექტარზე განთავსდება და შერეული სარგებლობის პროექტი იქნება საცხოვრებელი და საცალო ფართებით.
ხოლო ბათუმში, გონიო მარინას პროექტი ზღვისპირა ზოლში 260 ჰექტარზე განთავსდება და მოიცავს ბრენდირებულ რეზიდენციებს, სასტუმროებს, პარკებს.
Eagle Hills-ის თავმჯდომარემ მოჰამედ ალაბარმა თქვა, რომ საქართველო „უზარმაზარ პოტენციალს ფლობს“.
შეგახსენებთ, არაბთა გაერთიანებულ საამიროებში, საქართველოს მთავრობამ ხელშეკრულება გუშინ გააფორმა.
