ფინეთი უკვე მეოთხე წელია, ყველაზე ბედნიერი ქვეყნების სიის სათავეშია - ყოველწლიური ანგარიში გაეროს დაფინანსებით კეთდება. სიაში მეორე დანიაა, შემდეგ კი შვეიცარია, ისლანდია და ნიდერლანდები მოდის.
ახალი ზელანდია ერთადერთი არაევროპული ქვეყანაა, რომელიც პირველ ათეულში მოხვდა. ამის შესახებ ინფორმაციას BBC - ი ავრცელებს.
აღნიშნული კვლევის მიხედვით, ჩვენს ქვეყანას 149 ქვეყნიდან 108-ე ადგილი უკავია. ყველაზე ნაკლებად ბედნიერად კი თავს ავღანეთში მიიჩნევენ.
კომპანია Gallup-მა 149 ქვეყანაში მცხოვრები ადამიანები გამოკითხა და სთხოვა, საკუთარი ბედნიერების განცდა შეეფასებინათ. ბედნიერების საზომი სოციალური მხარდაჭერას, პირად თავისუფლებას, მშპ-სა და კორუფციის დონესაც მოიცავდა.
აღსანიშნავია, რომ კვლევის ავტორების თქმით, პანდემიის გამო ქვეყნების დიდ ნაწილში ნეგატიური ემოციები გაზრდილია, ადამიანები კოვიდს აღიქვამენ, როგორც საერთო საფრთხეს და ეს სოლიდარობის განცდას ზრდის.
