ეკონომიკისა და მდგრადი განვითარების მინისტრი ნათია თურნავა საქართველოს პრემიერ-მინისტრის ირაკლი ღარიბაშვილის ანგარიშს საეტაპოს უწოდებს და აცხადებს, რომ მათი გუნდის მმართველობის პერიოდში ბევრი რამ გაკეთდა.
ამის შესახებ თურნავამ ჟურნალისტებს პარლამენტში განუცხადა, სადაც პრემიერ-მინისტრ ირაკლი ღარიბაშვილს უსმენენ.
"საეტაპო მოხსენებაა, რადგან ჩვენი გუნდის მმართველობის პერიოდში ბევრი რამ გაკეთდა. პირველი ასი დღე გავიდა, რაც ირაკლი ღარიბაშვილმა ჩაიბარა მთავრობის ხელმძღვანელობა. ძალიან საქმიანი მოხსენება იყო. ეს პერიოდი არის მნიშვნელოვანი, რადგან ვახერხებთ და ვებრძვით პანდემიას ისე, რომ არ ხდება ეკონომიკის ჩაკეტვა და პირიქით - დაიწყო ეკონომიკის აღდგენა და აღმავლობა. ეს ასახულია რეალურ ციფრებში - არის მაკროეკონომიკური სტაბილურობა, ლარი მყარდება, კარგად ვითარდება ქართული წარმოება, ექსპორტი. ბევრი სასიკეთო რამ ხდება", - განაცხადა ნათია თურნავამ.
