სტატისტიკის ეროვნული სამსახურის მიერ გამოქვეყნებული მონაცემებით, 2025 წლის სექტემბერში მშენებლობის ინდექსი წინა თვესთან შედარებით უმნიშვნელოდ, 0.1 პროცენტით შემცირდა, რაც სამშენებლო ხარჯების მოკლევადიან სტაბილიზაციაზე მიუთითებს. თუმცა, გრძელვადიან ჭრილში, წინა წლის შესაბამის თვესთან შედარებით, მშენებლობის ღირებულების ინდექსი 4.7 პროცენტით გაიზარდა, რაც სამშენებლო სექტორში ხარჯების ზრდის წლიურ ტენდენციას აგრძელებს.
ინდექსის წლიური ზრდა, უმეტესწილად, მშენებლობის დარგში დაქირავებით დასაქმებულთა საშუალო თვიური ნომინალური ხელფასის 19.2 პროცენტიანი ზრდით და მანქანა-დანადგარების ხარჯების კატეგორიის 5.3 პროცენტიანი გაძვირებით იყო გამოწვეული.
მათი წვლილი ჯამური ინდექსის ცვლილებაში, შესაბამისად, 4.29 და 0.34 პროცენტული პუნქტი იყო. ეს მიუთითებს იმაზე, რომ ხელფასების ზრდა რჩება მშენებლობის ღირებულების მთავარ მამოძრავებელ ძალად.
2022 წლის თებერვალთან (რუსეთ-უკრაინის ომის დაწყების პერიოდი) შედარებით მშენებლობის ღირებულების ინდექსი 24.8 პროცენტით გაიზარდა.
სეგმენტების მიხედვით ცვლილებები (წ/წ და თ/თ)
| სეგმენტი | ცვლილება წინა თვესთან (თ/თ) | ცვლილება წინა წლის სექტემბერთან (წ/წ) |
| საცხოვრებელი | შემცირდა 0.5% | გაიზარდა 7.5% |
| არასაცხოვრებელი | გაიზარდა 0.5% | გაიზარდა 5.9% |
| სამოქალაქო | შემცირდა 0.01% | გაიზარდა 1.7% |
