მიწის სააგენტო მიწის საინფორმაციო სისტემას ქმნის.
სოფლის მეურნეობის სამინისტროს ინფორმაციით, მიწის საინფორმაციო სისტემის შექმნას „საქართველოს მდგრადი სოფლის მეურნეობის, ირიგაციის და მიწის პროექტის (GRAIL)“ სასოფლო-სამეურნეო მიწის მართვისა და მონიტორინგის გაძლიერების ქვეკომპონენტი ითვალისწინებს.
"მიწის საინფორმაციო სისტემა ქვეყნის მასშტაბით ჩამოყალიბდება მიწის რესურსებთან და ნიადაგთან დაკავშირებული მონაცემების საინფორმაციო ჰაბად, რომელიც მიწის მდგრადი მართვისა და მიწის მართვის პოლიტიკის გასაუმჯობესებლად მნიშვნელოვანი ინსტრუმენტი იქნება. გარდა ამისა, აღნიშნული სისტემა უზრუნველყოფს სამომხმარებლო სერვისების მიწოდებას ფერმერებისათვის, ფიზიკური თუ იურიდიული პირებისათვის და სახელმწიფო ორგანიზაციებისათვის. სისტემაში არსებული მონაცემები ხელს შეუწყობს მიწის საფარის, როგორც ბუნებრივი რესურსის, ოპტიმიზაციას, მიწისა
და მოსავლის მართვის მხარდაჭერას", - წერს უწყება.
მათივე ცნობით, მიწის საინფორმაციო სისტემის მართვასა და ადმინისტრირებას მიწის მდგრადი მართვისა და მიწათსარგებლობის მონიტორინგის ეროვნული სააგენტო უზრუნველყოფს. ხოლო მიწის საინფორმაციო სისტემის (LIS) ფუნქციური დიზაინის შემუშავებას, საჭიროებების შეფასებასა და საგზაო რუკის მომზადებას გლობალური IT სერვისების კომპანია RMSI განახორციელებს.
