სტატისტიკის ეროვნული სამსახურის მიერ გავრცელებული წინასწარი მონაცემების თანახმად, წინა წელთან შედარებით, ექსპორტი 30.8%-ით გაიზარდა და მისმა მოცულობამ 326.3 მლნ აშშ დოლარი შეადგინა.
მარტში იმპორტი 17.8%-ით გაიზარდა და 767.9 მლნ აშშ დოლარს გაუტოლდა. შესაბამისად, სავაჭრო დეფიციტი 39.1 მლნ აშშ დოლარით გაიზარდა და 441.6 მლნ აშშ დოლარი შეადგინა.
„ექსპორტის ზრდა ნათლად მიანიშნებს ეკონომიკის გაჯანსაღებასა და მიმდინარე ტენდენციების გაუმჯობესებაზე. ამასთან, მარტში დაფიქსირებული ექსპორტის მაჩვენებელი აღემატება როგორც 2020 წლის, ასევე მცირედით აღემატება 2019 წლის მარტის (პანდემიამდე) მონაცემსაც“, - აცხადებენ საქსტატში.
2021 წლის იანვარ-მარტში ექსპორტი გაიზარდა 5.3%-ით და 821.0 მლნ აშშ დოლარს გაუტოლდა, ხოლო იმპორტი 2.4%-ით ნაკლებია წინა წლის იანვარ-მარტის მაჩვენებელზე და 1,952.5 მლნ აშშ დოლარს შეადგენს.
აღსანიშნავია, რომ 2020 წელს ადგილობრივი ექსპორტი 3.5%-ით გაიზარდა და კორონავირუსთან დაკავშირებული გამოწვევების მიუხედავად, 2020 წელს ადგილობრივი ექსპორტის მოცულობამ რეკორდულ მაჩვენებელს მიაღწია და 2,406.9 მლნ აშშ დოლარი შეადგინა.
