ეკონომიკისა და მდგრადი განვითარების მინისტრი ლევან დავითაშვილი თანამდებობას ტოვებს. ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში ბრიფინგზე განაცხადა.
როგორც კობახიძემ აღნიშნა, ლევან დავითაშვილი ეკონომიკურ საკითხებში პრემიერის მთავარი მრჩევლისა და ეკონომიკური საბჭოს მდივნის თანამდებობას დაიკავებს.
დავითაშვილის ბიოგრაფია
- 2024 წლის 9 თებერვლიდან - პირველი ვიცე-პრემიერი
- 2021 წლის 12 ივლისი - 2024 წლის 8 თებერვალი - ვიცე-პრემიერი
- 2022 წლის 9 თებერვლიდან - საქართველოს ეკონომიკისა და მდგრადი განვითარების მინისტრი
2017 წლის 15 დეკემბერი – 2022 წლის 9 თებერვალი - საქართველოს გარემოს დაცვისა და სოფლის მეურნეობის მინისტრი
2016 წლის 9 სექტემბერი – 2017 წლის 15 დეკემბერი - საქართველოს სოფლის მეურნეობის მინისტრი
2014 წლის 5 ნოემბერი – 2016 წლის 8 სექტემბერი - საქართველოს სოფლის მეურნეობის მინისტრის მოადგილე
2012 წლის 4 დეკემბერი – 2014 წლის 5 ნოემბერი - საქართველოს ღვინის ეროვნული სააგენტოს ხელმძღვანელი
2010 – 2011 წწ - საქართველოს ღვინის მწარმოებელთა კავშირის გამგეობის თავმჯდომარე
2010 – 2011 წწ - საქართველოს ღვინის მწარმოებელთა კავშირის გამგეობის წევრი
2009 – 2012 წლის დეკემბერი - შპს "SCHUCHMANN WINES GEORGIA"-ს გაყიდვებისა და მარკეტინგის დირექტორი
2007– 2009 წწ - USAID-ის სოფლის მეურნეობის განვითარების პროექტის Ag Vantage-ის მარკეტინგის დეპარტამენტის ხელმძღვანელი
2002 – 2007 წწ - შპს "წინანდლის ძველი მარნის" გენერალური მენეჯერი
1999 –2001 წწ - მსოფლიო ბანკის საწარმოთა რესტრუქტურიზაციისა და მართვის დახმარების ცენტრი, (CERMA)-ის მთავარი ბიზნეს-კონსულტანტი
06.1999 – 09.1999 წწ - საქართველოს ფინანსთა სამინისტროს შემოსავლების სამსახურის სოციალური გადასახადების დეპარტამენტის უფროსი
1997 – 1999 წწ - საქართველოს დაზღვევის სახელმწიფო ზედამხედველობის სამსახურის სადაზღვევო რეგულაციებისა და სტანდარტების დეპარტამენტის უფროსი
