საქსტატის ინფორმაციით, 2025 წლის იანვარში წინა თვესთან შედარებით ინფლაციის დონემ საქართველოში 0.4%, ხოლო წლიური ინფლაციის დონემ 2% შეადგინა.
წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ
ჯგუფებზე: სურსათი და უალკოჰოლო სასმელები: ჯგუფში ფასები გაიზარდა 3%-ით.
ფასები მომატებულია ქვეჯგუფებზე: ბოსტნეული და ბაღჩეული (13.2%), ყავა, ჩაი და კაკაო (11.5%), ზეთი და ცხიმი (10.9%), მინერალური და წყაროს წყალი, უალკოჰოლო სასმელები და ნატურალური წვენები (4.8%), შაქარი, ჯემი და სხვა ტკბილეული (3.9%), თევზეული (1.9%). ამასთან, ფასები შემცირდა ქვეჯგუფებზე: ხილი და ყურძენი (-1.3%), რძე, ყველი და კვერცხი (-0.4%).
ალკოჰოლური სასმელები, თამბაქო: ჯგუფში ფასები გაიზარდა 6.2%-ით. ფასები გაიზარდა როგორც ალკოჰოლურ სასმელებზე (8.4%), ისე თამბაქოს ნაწარმზე (3.4%).
სხვადასხვა საქონელი და მომსახურება: ჯგუფში ფასები გაიზარდა 6.9%-ით. ფასები მომატებულია ქვეჯგუფებზე: პირადი ნივთები, სხვა კატეგორიებში ჩაურთველი (22.5%), დაზღვევა (12.9%), საფინანსო
მომსახურება (5.4%), პირადი ჰიგიენა (3.9%).
ჯანმრთელობის დაცვა: ჯგუფში ფასები მომატებულია 3.8%-ით. ფასები, ძირითადად, გაიზარდა ამბულატორიული სამედიცინო მომსახურების (4.8%) და სამედიცინო პროდუქციის, აპარატურის და მოწყობილობის (4.5%) ქვეჯგუფებზე.
კავშირგაბმულობა: ჯგუფში ფასები შემცირებულია 12.5%-ით, რაც წლიურ ინფლაციაზე -0.46 პროცენტული პუნქტით აისახა;
ტრანსპორტის ჯგუფში ფასები შემცირდა 1%-ით. ფასები შემცირდა პირადი სატრანსპორტო საშუალებების ექსპლუატაციაზე (-2.4%). ამასთან, ფასები გაიზარდა სატრანსპორტო მომსახურებაზე (2.4%) და სატრანსპორტო საშუალებების შეძენაზე (0.4%).
