"საქსტატის“ მონაცემების მიხედვით, 2021 წლის იანვარ-ივნისში საქონლის ექსპორტი 25%-ით, იმპორტი კი 19%-ით გაიზარდა.
„საქსტატის“ დირექტორის, გოგიტა თოდრაძის განცხადებით, ექსპორტის საერთო მაჩვენებლის ზრდაში მნიშვნელოვანი წვლილი შეიტანა ფეროშენადნობებმა და მსუბუქმა ავტომობილებმა, ასევე ღვინის, მინერალური წყლების ექსპორტმა.
„2021 წლის იანვარ-ივნისში საქონლის ექსპორტი გაიზარდა 25%-ით, მათ შორის ადგილობრივი 28%-ით. იმპორტის მოცულობა გაზარდა 19%-ით. უშუალოდ 2021 წლის ივნისში ექსპორტის მაჩვენებელი გაიზარდა 30%-ით, ხოლო იმპორტი 38%-ით. ექსპორტის საერთო მაჩვენებლის ზრდაში მნიშვნელოვანი წვლილი შეიტანა ფეროშენადნობებმა და მსუბუქმა ავტომობილებმა, ასევე ღვინის, მინერალური წყლების ექსპორტმა, ძირითადად აშშ-ის, ჩინეთის და მეზობელი ქვეყნების მიმართულებით. რაც შეეხება იმპორტს, ზრდა ძირითადად დაკავშირებულია ნავთობპროდუქტების და მსუბუქი ავტომობილების სასაქონლო ჯგუფებთან“,- განაცხადა თოდრაძემ.
