2024 წლის პირველ 4 თვეში საქართველოდან საქონლის ექსპორტი 10.1%-ით შემცირდა და 1 მილიარდ 763 მილიონი დოლარი შეადგინა.
საქსტატის ოფიციალური მონაცემებით, იანვარ-აპრილში ექსპორტის წილი ქვეყნის $6.5 მილიარდიანი სავაჭრო ბრუნვის მხოლოდ 26.8% იყო.
იანვარ-აპრილში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 79.8% შეადგინა. უნდა აღინიშნოს, რომ ქვეყნების რეიტინგში პირველი ადგილი ყირგიზეთმა დაიკავა, რაც მსუბუქი ავტომობილების რეექსპორტის ზრდით არის განპირობებული. ყაზახეთთან ერთად პირველ სამეულში ადგილებს რუსეთი და ყაზახეთი ინაწილებენ. უმსხვილეს საექსპორტო მიმართულებებს შორის 4 თვის ჭრილში არც ერთ ევროკავშირის წევრ ქვეყანას არ ვხვდებით.
