საქართველოს ეროვნული ბანკის პრეზიდენტის მრჩეველი გიორგი ბაქრაძე თანამდებობას ტოვებს. ინფორმაცია Bm.ge-ის თავად გიორგი ბაქრაძემ დაუდასტურა.
Bm.ge-ის ინფორმაციით, გადაწყვეტილების მიზეზი სებ-ის პრეზიდენტის მოვალეობის შემსრულებლის ნათია თურნავას მიერ გუშინ გამოცემული ბრძანებაა.
სებ-ის მიერ სანქციათა რეჟიმების შესრულების წესში ცვლილების შეტანის შემდეგ ეროვნული ბანკის ორი ვიცე-პრეზიდენტი და საბჭოს წევრები პაპუნა ლეჟავა და არჩილ მესტვირიშვილი თანამდებობიდან გადადგნენ. კიდევ ერთ ვიცე-პრეზიდენტს ნიკოლოზ გაგუას გადაწყვეტილება, ჯერჯერობით, არ მიუღია. რაც შეეხება საქართველოს ეროვნული ბანკის საბჭოს არააღმასრულებელ წევრებს - ეკატერინე გალდავას და ეკატერინე მიქაბაძეს, ისინი სებ-ის დატოვებას არ აპირებენ.
