რუსეთის პრეზიდენტი ვლადიმერ პუტინი დასავლეთის ქვეყნებს სიცრუის იმპერიას უწოდებს. მედიასთან შეხვედრაზე მან დაწესებულ სანქციებზე ისაუბრა.
დღეს ცნობილი გახდა, რომ პასუხად რუსეთი აკრძალავს ავიაკომპანიების ოპერირებას 36 ქვეყნიდან, მათ შორის, დიდი ბრიტანეთიდან და გერმანიიდან.
"ამერიკელი პოლიტიკოსები, პოლიტოლოგები და ჟურნალისტები თავად წერენ და საუბრობენ იმაზე, რომ ბოლო წლებში ამერიკის შიგნით შეიქმნა ნამდვილი ტყუილის იმპერია. ძნელია არ დაეთანხმო ამას, ეს მართალია, მაგრამ ნუ იქნებით მოკრძალებული.
შეერთებული შტატები ჯერ კიდევ დიდი ქვეყანაა, სისტემის ფორმირების ძალა, მისი ყველა თანამგზავრი არამხოლოდ თავდაჯერებულად და კეთილსინდისიერად ეთანხმება, არამედ აკოპირებს მის ქცევას, ენთუზიაზმით იღებს მის მიერ შემოთავაზებულ წესებს. ამიტომ შეგვიძლია დარწმუნებით ვთქვათ, რომ დასავლეთის ქვეყნები სიცრუის იმპერიაა, როცა დონბასში ოპერაციებთან დაკავშირებით სანქციებს გვიწესებს," - განაცხადა პუტინმა.
