დაფიქსირდა დასაქმებულთა რეკორდული რაოდენობა და უმუშევრობის მინიმალური მაჩვენებელი - ცინცაძე

„საქსტატის“ მონაცემებით, 2023 წელს დასაქმებულთა რაოდენობა 51 ათასით გაიზარდა და მილიონ 335 ათასი შეადგინა. ეკონომიკის სამინისტროში აღნიშნავენ, რომ დაქირავებით დასაქმებულთა რაოდენობა გაზრდილია 50 ათასით, რაც პროდუქტიულ დასაქმებაზე მიანიშნებს. დასაქმების დონე 1.6 პროცენტული პუნქტით გაიზარდა და ასევე მაქსიმალური 44.5 პროცენტი შეადგინა. რაც შეეხება უმუშევრობას, 2023 წელს აღნიშნული მაჩვენებელი შემცირდა 0.9 პროცენტული პუნქტით და 16.4 პროცენტით განისაზღვრა.

მინისტრის მოადგილის თქმით, ამის მიუხედავად, უმუშევრობა ჯერ კიდევ გამოწვევად რჩება.

„ამ მიმართულებით, საქართველოს მთავრობას საკმაოდ ამბიციური გეგმები აქვს. კერძოდ, ჩვენი მიზანია, რომ უმუშევრობის დონე შევამციროთ იმ ნიშნულამდე, რომელიც ევროპის და, ზოგადად, მსოფლიოს განვითარებულ ქვეყნებს აქვთ“, – აღნიშნა ვახტანგ ცინცაძემ.