2023 წლის იანვარ-ნოემბერში საქართველოდან საქონლის ექსპორტის მოცულობამ 5 მილიარდ 584 მილიონი დოლარი შეადგინა, რაც გასული წლის შესაბამისი პერიოდის მაჩვენებელზე 11.1%-ით მეტია.
სტატისტიკის ეროვნული სამსახურის მონაცემებით, ადგილობრივი ექსპორტი (ექსპორტი რეექსპორტის გარეშე), მთლიანი ექსპორტის 46.0%-ს შეადგენს. აღნიშნული მაჩვენებელი წინა წლის შესაბამის პერიოდთან შედარებით 24.3%-ით შემცირდა და 2 მილიარდ 569 მილიონ დოლარს გაუტოლდა.
ამასთან, 2023 წლის იანვარ-ნოემბერში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 73.3% შეადგინა.
უმსხვილესი საექსპორტო ქვეყნების ჩამონათვალი ადგილობრივ ექსპორტში:
- რუსეთი - 495 184 მლნ აშშ დოლარი (19,3%)
- თურქეთი - 328 703 მლნ აშშ დოლარი (12.8%)
- ბულგარეთი - 247 595 მლნ აშშ დოლარი (9.6%)
- ჩინეთი - 246 129 მლნ აშშ დოლარი (9.6%)
- სომხეთი - 142 320 მლნ აშშ დოლარი (5.5%)
- აზერბაიჯანი - 138 375 მლნ აშშ დოლარი (5.4%)
- შვეიცარია - 79 016 მლნ აშშ დოლარი (3.1%)
- აშშ - 71 413 მლნ აშშ დოლარი (2.8%)
- ესპანეთი - 69 693 მლნ აშშ დოლარი (2.7%)
- უკრაინა - 65 761 მლნ აშშ დოლარი (2.6%)
