სტატისტიკის ეროვნული სამსახური 2025 წლის 8 თვის საგარეო ვაჭრობის მაჩვენებლები გამოაქვეყნა, რომლის თანახმადაც საქართველოს ექსპორტმა პერიოდის განმავლობაში 4.45 მილიარდი დოლარი შეადგინა, რაც წინა წლის ანალოგიურ პერიოდთან შედარებით 6.7%-ით მეტია.
ექსპორტში წამყვან პოზიციას კვლავ მსუბუქი ავტომობილების რეექსპორტი იკავებს 1.7 მილიარდი დოლარით. ეს მთლიანი ექსპორტის 39%-ს წარმოადგენს, რაც ერთ კონკრეტულ საქონელზე მაღალ კონცენტრაციას ნიშნავს. თავად ავტოექსპორტი წელს 17%-ით გაიზარდა. მეორე პოზიციას ექსპორტში ძვირფასი ლითონების მადნები იკავებს, რაც წელს 62%-ით გაიზარდა და მან 239 მილიონი დოლარი შეადგინა. მესამე ადგილს 172 მილიონი დოლარით სპირტიანი სასმელები იკავებს, რაც წელს 8%-ით შემცირდა. ასევე 16%-ით შემცირდა ღვინის ექსპორტიც, რამაც მხოლოდ 166 მილიონი დოლარი შეადგინა.
