"კიდევ ერთი გამოწვევა გახლავთ რუსეთიდან მასიური მიგრაცია , რომელიც ასევე გარკვეულწილად გახლავთ შესაძლებლობა, რადგან ეს გვაჩვენებს კიდევ ერთხელ, რას ნიშნავს ქართული ტოლერანტობა, ქართული სტუმართმოყვარეობა, მაგრამ, სტუმართმოყვარეობა არ უნდა იყოს სულელური და ჩვენ გვაქვს, რა თქმა უნდა, ჩვენი მოვალეობა საკუთარი მოსახლეობის მიმართ, რომ სრულად გავაკონტროლოთ ის, თუ რაც ხდება. კი ბატონო, გვქონდეს საზღვრები გახსნილი განსაკუთრებით რუსეთის იმ მოქალაქეებისათვის, რომლებიც არიან წარმოშობით ქართველები, მაგრამ ამავდროულად უნდა გავიაზროთ, რომ გვქონდეს სწორი კანონმდებლობა, შესაბამისი რეგულაციები იმისათვის, რომ თავიდან ავირიდოთ მომავალში არასასურველი ყურადღება"–თქვა საქართველოს პრეზიდენტმა, სალომე ზურაბიშვილმა ორბელიანების სასახლეში, დიპლომატებთან, წინასაახალწლო მიღებაზე.
